Málmiðnaðarmaður

Ístak leitar að Málmiðnaðarmanni

Ístak hf. óskar eftir að bæta við starfsfólki í vélsmiðju fyrirtækisins við málmsmíði og stálreisingar. Starfsstöð vélsmiðju er í Bugðufljóti, Mosfellsbæ. Starfsmennirnir bætast í hóp starfsmanna í öflugri þjónustudeild Ístaks sem sinnir stálsmíði og reisir stálvirki bæði fyrir verk fyrirtækisins og aðra.

Ístak er öflugt verktakafyrirtæki sem annast fjölbreytt verkefni á ýmsum sviðum. Þar má nefna byggingaframkvæmdir af ýmsu tagi, virkjanir, stóriðjuframkvæmdir, jarðvinnuverk, mannvirkjagerð og hafnarframkvæmdir auk vega- og brúagerðar.

Helstu verkefni og ábyrgð

• Almenn málmsmíði samkvæmt fyrirmælum verkstjóra.
• Almenn suðuvinna á hlutum samkvæmt teikningum og að fyrirmælum verkstjóra.
• Uppsetning og viðgerð á stálvirkjum.
• Uppsetning og viðgerðir á öðru stáli í byggingum.
• Uppsetning og viðhald á vélbúnaði fyrir stóriðju.

Menntunar- og hæfniskröfur

• Iðnmenntun í stálsmíði, vélvirkjun eða sambærileg menntun.
• Vottuð suðuréttindi.
• Reynsla af stálreisningum.
• Samskiptahæfni á íslensku, ensku eða pólsku er skilyrði.

Við bjóðum

• Fjölbreytt og krefjandi starf hjá einu af leiðandi verktakafyrirtækjum landsins.
• Þátttöku í stórum og spennandi verkefnum.
• Öruggt og gott vinnuumhverfi.
• Tækifæri til starfsþróunar og þátttöku í metnaðarfullum verkefnum.

Nánari upplýsingar hjá mannauðsdeild Ístaks í tölvupósti á netfangið hr@istak.is.